Suna Hai Rabt Hai Usko Kharaab Halon Se
So Apne Aap Ko Barbaad Karke Dekhte Hain
Suna Hai Dard Ki GaHak Hai Chashm-E-Naaz Uski
So Ham Bhi Uski Gali Se Guzar Kar Dekhte Hain
Suna Hai Usko Bhi Hai Shair-O-Shayeri Se Shaghaf
So Ham Bhi Moajzy Apne Hunar Ke Dekhte Hain
Suna Hai Boley To Baton Se Phool Jharte Hain
Yeh Baat Hai To Chalo Baat Kar Ke Dekhte Hain
Suna Hai Raat Usy Chaand Takta Rehta Hai
Sitare Baam-E-Falak Se Utar Kar Dekhte Hain
Suna Hai Din Ko Use Titliyaan Satati Hain
Suna Hai Raat Ko Jugnu Thehr Ke Dekhte Hain
Suna Hai Hashr Hain Uski Ghazal Si Aankhein
Suna Hai Usko Hiran Dasht Bhar Ke Dekhte Hain
Suna Hai Uski Siyah Chashmagi Qayamat Hai
So Usko Surma Farosh Aankh Bhar Ke Dekhte Hain
Suna Hai Uske Labon Se Gulab Jalte Hain
So Ham Bahaar Pe Ilzaam Dhar Ke Dekhte Hain
Suna Hai Aaeinaa Tamasil Hai Jabeen Uski
Jo Saadaa Dil Hai Use Ban Sanwar Ke Dekhte Hain
Suna Hai Usky Badan Ke Taraash Aise Hain
Ke Phool Apni Qabaaein Katar Ke Dekhte Hain
Suna Hai Uski Shabistaan Se Mut-Tasil Hai Bahisht
Makeen Udhar Ke Bhi Jalwy Idhar Ke Dekhte Hain
Ruky Toh Gardishein Uska Tawaaf Karti Hain
Chale To Usko Zamaany Thehr Ke Dekhte Hain
Kahaniyan He Sahi Sab Mubalghe He Sahi
Agar Woh Khawab Hai Tou Taabir Kar Ke Dekhte Hain
Ab Usky Shehar Mein Thehrein Ke Kuch Kar Jayen
"Faraz" Aao Sitare Safar Ke Dekhte Hain
Ahmed Faraz
...
Post a Comment: